Тіркелу
   Резидент РК
   Сгенерировать пароль
Пароль прийдет на указанный Email адрес
Алға
Кері қарай
Тіркелу
 

Возможности после регистрации:

Сможете задавать вопросы руководителям госорганизаций и получать на них ответы, получите доступ к документам для скачивания.


Сможете пользоваться дополнительными сервисами: участвовать в онлайн-конференциях, читать блоги, оставлять отзывы к госуслугам и оценивать качество их оказания.


В случае подписки на новости, получите информацию о всех событиях на свой E-mail.

По вопросам работы интернет - ресурса просим обращаться по телефону: 8 (7292) 42-83-32
Маңғыстау облысы
Облыс әкімдігінің ресми интернет - ресурсы
Маңғыстауда мемлекеттік тілді меңгерген тұрғындардың үлесі – 94,1%
Добавлено: 26.03.2018
Изменено: 26.03.2018
Просмотров: 1130

Бүгін Маңғыстау облысының әкімі Ералы Тоғжановтың төрағалығымен аппараттық жиын өтті. Күн тәртібінде бірнеше өзекті мәселе қаралды.

  Қазақстан Республикасының тілдерді дамыту мен қолданудың 2011-2020 жылдарға арналған Мемлекеттік бағдарламасын іске асыру қорытындыларын облыстық тілдерді дамыту, архивтер мен құжаттама басқармасының басшысы Гүлзайда Төлеуғалиева баяндады.  Облыстағы мемлекеттік тілді меңгерген тұрғындардың үлесі – 94,1%.Орыс тілін меңгерген тұрғындардың үлесі – 50,8 %. 

  «Маңғыстау ауданындағы 6 көше және 15 шағынауданға, Түпқараған ауданындағы 1 көшеге, Бейнеу ауданындағы 3 көше және 1 даңғылға облыстық ономастика комиссиясының оң қорытындысы берілді. Сонымен қатар, Республикалық ономастика комиссиясының қарауына Маңғыстау ауданындағы 1 білім беру мекемесіне атау беру жөніндегі құжаттар ұсынылды», - деді облыстық тілдерді дамыту, архивтер мен құжаттама басқармасының басшысы Гүлзайда Төлеуғалиева.

  Облыстық индустриялық-инновациялық даму басқармасы басшысы орынбасарының міндетін атқарушы Тілеген Едігеев Қазақстан Республикасын индустриялық-инновациялық дамытудың  2015–2019 жылдарға арналған мемлекеттік бағдарламасын іске асыру жұмыстарын қорытындылады. 2017 жылы өңдеу Өнеркәсібіндегі өндіріс көлемі сәйкесінше алдыңғы жылмен салыстырғанда 5,7% өсіп, 163,3 млрд. теңгені құрады. Өткен жылдың қорытындысы бойынша облыста орналасқан негізгі экспорттаушы компаниялар  шығарған өнім көлемі  20,5 млн. АҚШ долларын құрап, 2016 жылмен салыстырғанда 64% (12,5 млн. ақш долл. АҚШ) өскен. Маңғыстау облысының кәсіпкерлікті қолдау картасының Екінші бес жылдығында облыс бойынша жалпы сомасы 526,4 млрд. теңге құрайтын 22 жоба енгізілген, жобалар аясында 3 399 жаңа жұмыс орны ашылады.

«Ағымдағы жылы жалпы сомасы 11,5 млрд. теңгені құрайтын 4 жобаны іске асырып, нәтижесінде  223 жұмыс орнын ашу жоспарланған: «Кабельдер мен трансформаторларды шығаратын зауыт» «Ақтау-ЭнергоМаш» ЖШС (АЭА, 9,1 млрд. теңге); «Полимер пакеттерін шығаратын зауыт құрылысы» ЖШС «Достық Полимер» (АЭА, 295 млн. теңге); «Жиһаз және пластик терезелерді дайындау үшін өндірістік цех» «Битнер А.В.» (Ақтау индустриялық аймағы, 157 млн. теңге); Күн және жел электр станциясын салу, «Best Group HPS» ЖШС (1-кезең, Ақшұқыр ауылы, 1,9 млрд.теңге)», - деді облыстық индустриялық-инновациялық даму басқармасы басшысы орынбасарының міндетін атқарушы Тілеген Едігеев.

Маңғыстау облысы әкімінің баспасөз қызметі


Маңғыстау облысының әкімі
Тоғжанов Ералы Лұқпанұлы